ADFEST 2025 : ЗҮҮН ӨМНӨД АЗИЙН ШИЛДГҮҮД ТОДОРЛОО

Ази, Номхон далайн хамгийн нэр хүндтэй зар сурталчилгааны фестиваль болох ADFEST 2025 энэ жил "COLLiDE" буюу "Мөргөлдөөн" сэдвийн дор амжилттай зохион байгуулагдлаа. Энэхүү арга хэмжээ нь бүс нутгийн шилдэг маркетерууд, сурталчилгааны агентлагууд болон брэндүүдийг нэг дор цуглуулж, салбарын шинэ чиг хандлагыг тодорхойлсон юм.

ADFEST нь 1998 оноос хойш жил бүр зохион байгуулагдаж, бүс нутгийн бүтээлч салбарын хамгийн том арга хэмжээнүүдийн нэг болж хөгжжээ. Энэхүү фестиваль нь зөвхөн шагнал гардуулах төдийгүй, салбарын мэргэжилтнүүдийг нэгэн дор цуглуулж, туршлага солилцох боломжийг олгодогоороо онцлог юм.

Энэ жилийн фестиваль нь "COLLiDE" буюу "Мөргөлдөөн" сэдвийн хүрээнд бүтээлч байдлын шинэ хандлагыг судалж, орчин үеийн маркетингийн сорилтуудыг харуулсан. Фестивалийн хүрээнд 55 илтгэл, интерактив семинарууд болон сурталчилгааны шилдэг бүтээлүүдийг танилцуулах үзэсгэлэн зохион байгуулагдав. Энэ жил 55 хотоос нийт 783 төлөөлөгч оролцсон нь тус арга хэмжээний цар хүрээг улам өргөжиж буйг харуулж байна.

ADFEST 2025 нь энэ жилээс эхлэн "Бүтээлч стратегийн Lotus" шагналыг шинээр нэвтрүүлж, брэндийн өсөлт, хөгжлийг дэмжих бүтээлч шийдлүүдийг онцлон шагнадаг болсон. Энэхүү ангилал нь маркетингийн үр нөлөөг дээшлүүлэх стратегийн бодлого, бүтээлч сэтгэлгээг хослуулсан шилдэг ажлуудыг үнэлдэг онцлогтой.

ADFEST 2025-ийн онцлох шагналууд

• Film Lotus Grande: Leo Thailand агентлаг Krungsri First Choice банкны "What the Fast!" бүтээлээрээ энэхүү нэр хүндтэй шагналыг хүртсэн. Уг бүтээл нь хэрэглэгчдийн анхаарлыг татах өвөрмөц хандлагатай, бүтээлч байдлаараа бусдаас ялгарч байлаа.

Creative Strategy Lotus Grande: Havas Creative India, Mumbai агентлаг The Times of Indiaсонины "Ink of Democracy" бүтээлээр шагнал хүртсэн. Энэхүү бүтээл нь сонины нийгмийн нөлөөлөл, ардчиллын үнэ цэнийг тодотгож чадсанаараа онцлог байв.

• Outdoor Lotus Gold: Leo Mal aysia агентлаг Heineken брэндийн "Heineken Hidden in Plain Sight" бүтээлээрээ энэхүү шагналыг хүртсэн.

ADFEST нь бүтээлч байдлыг дэмжиж, шинэ үеийн маркетерууд, брэндүүдэд урам зориг өгдөг онцгой арга хэмжээ юм. Фестивалийн үеэр танилцуулагдсан бүтээлүүд нь Ази, Номхон далайн бүс нутгийн сурталчилгааны салбарын хөгжлийг тодорхойлж, шинэ чиг хандлагыг бий болгож байна.

Эх сурвалж: https://www.adfest.com